De verkeezing vaan 't Mestreech vastelaovendsleedsje heet 'n aontal "klassiekers" opgelieverd. Mèt de oonderstaonde meziekspeuler kint geer trök in d'n tied en fragminte vaan de vastelaovendsleedsjes vaanaof 1946 tot noe tow beluustere.
De verkeezing vaan 't Mestreechter Vastelaovendsleedsje vint vaanaof 1973 plaots oonder responsabiliteit vaan 't bestuur vaan de SMV.
Oonder 't bestuur ressorteere twie kemissies t.w. de seleksie- en ranzjasiekemissie. De seleksiekemissie is responsabel veur 'n ierste seleksie - op melodie en op teks - vaan ingesjikde leedsjes. Dees kemissie steit oonder veurzittersjap vaan Harry Wijenberg en is same gesteld oet lui die bedreve zien in de meziek en in de Mestreechter taol. Dees lui zien gekoze oet de aongeslote vereiniginge en oet de borgerij.
De twiede kemissie is de ranzjasiekemissie. Dees kemissie zorreg veur de ranzjasie vaan 't evenemint. Ze zorreg o.a. veur de leedsjesbeukskes, de stumbiljette, de taakverdeiling van de SMV-lede, 't korrek verloupe vaan de stumming en de telling.
Dees kemissie steit oonder veurzittersjap vaan Henk Van den Hof. De kemissielede zien gekoze oet de aongeslote vereiniginge.
De contacte met de peers, euver de oetverkeezing vaan de leedsjes en aander zakes verbandhawwend met 't leedsje, weurde verzorreg door de prizzedent vaan de SMV, Nico Kempeners.
De Kriebel...
Op deze site vindt U veel achtergrond-informatie over de "Mestreechter Vastelaovend".
De tekst is overgenomen uit het boekje "Kukeleku, en de kins miech neet!"
't Doel vaan de SMV (Samewèrkende Mestreechter Vastelaovendsvereiniginge) is 't instand hawwe vaan de specifieke Mestreechter Vastelaovend. lees mie...
